尋日講完《蘋果日報》同陳健康事件，今次阿史就想講下黎智英响台灣翻轉報界嘅事。

响2003年，香港壹傳媒就登陸寶島，响當地辦報，呢份報紙用返「蘋果」之名，所以大家稱呼呢份報紙為台灣《蘋果日報》，簡稱「台蘋」。當年台蘋就咗製造聲勢，就搵咗女星鍾麗緹拍咗輯勁性感嘅相做宣傳，大賣廣告，連巴士都見佢裸露身軀嘅佢。而台蘋當時沿用香港蘋果日報嘅經營手法，將新聞徹底娛樂化，政界人物或藝能界人士唔少都被台蘋嘅狗仔隊追蹤，而報紙內容亦偏向煽色腥（煽情、色情、血腥），破壞咗台灣報界一直以文化掛帥嘅生態。

由於台蘋風格以煽色腥掛帥，所以有一段時間台島反蘋果嘅聲音都幾大。不過，如果香港人睇台蘋，可能都會覺得「蘋果啲內容都係咁架啦！」

原圖嚟自網絡